காவடிச் சேவை செய்பவர்கள் அது குறித்துத் தத்தமது பகுதி உள்ளூராட்சிச் சபைகளில் பதிவு செய்து அனுமதி பெற்றிருத்தல்வேண்டும் என்று சாவகச்சேரி சுகாதார வைத்திய அதிகாரி அலுவலகத்தினர் அறிவித்துள்ளனர்.
அண்மைக்காலமாக இந்து ஆலயங்களில் உற்சவங்கள் நடைபெற்று வருவதால் பலர் பல்வேறு வகையில் காவடிகளை எடுத்து நேர்த்தி செய்கின்றனர்.
காவடி எடுக்கும்போது உடலில் பாய்ச்சப்படும் ஊசிகளால் குருதி தொடர்பான ஒவ்வாமை நோய்க்குப் பலர் இலக்காகி மருத்துவமனைகளில் சிகிச்சை பெற்று வருகின்றனர் என்று முறையிடப்பட் டுள்ளது.
செடில் காவடிகள், பறவைக் காவடிகள், தூக்குக் காவடிகள், அலகு குத்துதல் போன்றவைக்குப் பயன்படுத்தப்படும் ஊசிகள் சுகாதார முறைப்படி அவித்துப் பயன்படுத்தாத தால் பலர் ஒவ்வாமைக்கு உட்படுகின்றனர் என்று கூறப்பட்டி ருக்கிறது.
அதனால் காவடிச் சேவையில் உள்ளவர்கள் அனைவரும் தமது பிரிவு உள்ளூராட்சி சபையில் அது தொடர்பில் பதிவு செய்து அதற்கான அனுமதியைப் பெறவேண்டும்.
இது தொடர்பாகக் காவடிச் சேவை யா ளர்களில் தென்மராட்சிப் பிரதேசத்தில் உள்ளவர்களுக்கான விழிப்பு ணர்வுக் கருத்தரங்கு இன்று புதன் கிழமை மு.ப.9 மணிக்கு சாவகச்சேரி சுகாதார வைத்திய அதிகாரி பணிமனையில் இடம்பெறவுள்ளது.
பிரதேசத்தில் காவடிச் சேவையை நடத்தும் அனைவரும் இதில் கலந்து கொள்ளுமாறும் சுகாதாரப் பகுதியினர் அறிவித்துள்ளனர். எதிர்காலத்தில் உரிய அனுமதிப் பத்திரமின்றிச் சேவையில் ஈடுபடுவோர் மீது சட்ட நடவடிக்கை எடுக்கப்படவுள்ளது” என்று அவர்கள் அறிவித்துள்ளனர்.
Hello, my name is Jack Sparrow. I'm a 50 year old self-employed Pirate from the Caribbean.